2013tik, Korrika Txulapoak lotu egin ditu euskara Madrilen modu arautuan irakasten den hiru tokiak: Unibertsitate Konplutentsea (Moncloa-Aravaca barrutia), Jesús Maestro Hizkuntza Eskola Ofiziala (Chamberí barrutia) eta Euskal Etxea (Centro Barrutia).

2013tik 2020ra, PP-k zein Ahora Madrid-ek gobernatutako Udalak baimendu egin du Korrika Txulapoa. 2022ko edizioan, ordea, Madrilgo Udalak (PP) ez zuen onetsi Korrika Txulapoa Chamberí barrutia zeharkatzea. Baina, baimenik gabe ere, Korrika Txulapoa ospatu egin zen aipatutako hiru barrutiak zeharkartuz  jai-giroan eta umore onean.

2024ko edizioari begira, antolatzaileek 2023ko urrian eskatu zioten Moncloa-Aravaca barrutikoari ekitaldirako baimena, eta barruti horretako zinegotzi presidenteak ezezko ebazpena eman zuen, argudio bakartzat esanez "ez dela egokitzat jotzen". 



Baina Korrika Txulapoaren antolatzaileok ez dugu Madrilgo Udalaren ebazpen ez-bidezko horren aurrean amore ematen eta jakinarazten dugu sasi guztien gainetik 2024ko Korrika Txulapoa egin egingo dela martxoaren 16an, Espainiako Gobernuaren Madrilgo Ordezkaritzaren baimena jaso eta MANIKORRIKA TXULAPO BIHURTURIK, eta madrildar guztiak gonbidatzen ditugula parte hartzera.

TIPI-TAPA, TIPI-TAPA, KORRIKA!

GORA KORRIKA!

GORA MANIKORRIKA TXULAPOA!

MADRILGO UDALAREN EUSKARAFOBIA KANPORA!

Azken aldaketa: osteguna, 2024(e)ko martxoaren 14(e)an, 17:50(e)tan